Бітелген түтіктер: бұл неге әкелуі мүмкін?

Сіз жылдар бойы бала көтеруге тырысып жүрсіз, бірақ нәтиже жоқ па? Бедеуліктің шамамен 30% жағдайында оның себебі жатыр түтіктерінің өткізбейтіндігі екенін білесіз бе? Егер екі серіктестің де басқа тексерулерінің көрсеткіштері қалыпты болса, дәрігер бұл патологияға міндетті түрде тексеру тағайындайды.

Біз мектеп кезінен жаңа өмір сперматозоидтың жұмыртқа жасушасына енуі нәтижесінде пайда болатынын білеміз. Олардың «кездесуі» дәл фаллопий түтіктерінде өтеді. Ал егер жатыр түтіктерінде ақау болса, жұмыртқа жасушасы мүлде ұрықтанбауы мүмкін немесе ұрықтанғаннан кейін жатыр түтігінде «тұрып қалуы» ықтимал. Бұл өз кезегінде жатырдан тыс жүктілікке алып келеді.

Жатыр түтіктерінің өткізбейтіндігі келесі себептерге байланысты пайда болады:

• жамбас ағзаларының қабыну аурулары;
• жабысқақ (спайкалық) процесс;
• хирургиялық араласулар;
• туа біткен патологиялар;
• асқынумен өткен аборттар;
• эндометриоз.

Осының барлығы бір немесе екі фаллопий түтігінің саңылауының жабылуына әкелуі мүмкін, ал бұл жағдай жиі бедеулікпен аяқталады. Сондықтан көп жағдайда алғашқы «дабыл белгісі» – бала көтерудегі қиындықтар болып табылады. Ал басқа жағдайларда қабыну ұзақ уақыт бойы ешқандай белгі бермей, тек асқыну кезеңінде ғана байқалуы мүмкін. Сол кезде келесі симптомдар пайда болады:

• іштің төменгі бөлігіндегі ауырсыну, әсіресе зақымдалған жақта;
• іштің кебуі, іш қату немесе керісінше диарея;
• етеккір циклінің бұзылуы;
• жиі зәр шығару;
• жыныстық қатынас кезінде ауырсыну.

Жатыр түтіктерінің өткізбейтіндігін ең дәл анықтайтын әдіс – гидросонография. Бұл зерттеу ультрадыбыстық тексеру арқылы рентген сәулесін қолданбай-ақ патологияны анықтауға мүмкіндік береді. Әдістің артықшылықтары:

• зерттеудің жылдам жүргізілуі;
• ауруханаға жатқызудың қажет еместігі;
• пациент үшін қауіпсіздігі, жайлылығы және ауырсынусыз өтуі;
• жоғары дәлдігі.

Сондықтан егер сіз ұзақ уақыт бойы бала көтере алмасаңыз, халықаралық медициналық On Clinic орталығының кәсіби гинеколог-дәрігерлеріне жүгініңіз. Мұнда заманауи ультрадыбыстық жабдықтардың көмегімен диагностика жүргізіліп, физиотерапияны қолдана отырып жатыр түтіктеріне кешенді қабынуға қарсы ем тағайындалады. Ең бастысы — уақытты созбаңыз!